15 ستمبر ، 2022 
انگلینڈ کیخلاف سیریز کیلئے پاکستان ٹیم میں دو نئے کھلاڑی بھی شامل
15 ستمبر ، 2022
قومی کرکٹ ٹیم کے چیف سلیکٹر محمد وسیم نے اکتوبر میں ہونے والے ورلڈ کپ ٹی ٹوئنٹی اور رواں ماہ انگلینڈ کیخلاف 7 ٹی ٹوئنٹی میچز کی سیریز کیلئے قومی اسکواڈ کا اعلان کردیا ہے۔
انگلینڈ کیخلاف 7 ٹی ٹوئنٹی انٹرنیشنل میچز کی سیریز کیلئے قومی ٹیم میں دو نئے کھلاڑی بھی شامل کیے گئے ہیں۔
جن دو نئے کھلاڑیوں کو 18 رکنی اسکواڈ میں شامل کیا گیا ہے ان کے نام عامر جمال اور ابرار احمد ہیں۔ عامر جمال آل راؤنڈر جبکہ ابرار احمد بیٹر ہیں۔ ان دونوں کھلاڑیوں نے اب تک پاکستان کیلئے ڈیبیو نہیں کیا ہے۔
اس کے علاوہ 18 رکنی اسکواڈ میں بابر اعظم، شاداب خان، آصف علی، حیدر علی، حارث رؤف افتخار احمد، خوشدل شاہ، محمد حارث، محمد حسنین، محمد رضوان، محمد نواز، محمد وسیم جونیئر، نسیم شاہ، شاہنواز دھانی، شان مسعود اور عثمان قادر شامل ہیں۔
خیال رہے کہ پاکستان اور انگلینڈ کے درمیان پہلا ٹی ٹوئنٹی میچ 20 ستمبر کو جبکہ 22 ستمبر، 23 ستمبر، 25 ستمبر، 28 ستمبر ، 30 ستمبر اور 2 اکتوبر دیگر میچز کھیلے جائیں گے۔ شروع کے چار میچز کراچی جبکہ بقیہ تین میچز لاہور میں ہوں گے۔
علاوہ ازیں ورلڈ ٹی ٹوئنٹی کیلئے بھی 17 رکنی اسکواڈ کا اعلان کیا گیا ہے ۔ فاسٹ بولر حسن علی انگلینڈ اور ورلڈ ٹی ٹوئنٹی دونوں سیریز سے باہر ہوگئے ہیں جبکہ فخر زمان، شاہنواز دھانی اور وکٹ کیپر محمد حارث کو ٹریولنگ ریزرو کے طور پر شامل کیا گیا ہے۔
انجرڈ شاہین آفریدی انگلینڈ کیخلاف سیریز کا حصہ نہیں ہوں گے البتہ انہیں ورلڈ ٹی ٹوئنٹی کے اسکواڈ میں شامل کیا گیا ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
