دادو : سیلاب سے تباہ شدہ دیہات میں کشتی سوار ڈاکوؤں کی لوٹ مار

سندھ کے ضلع دادو کی تحصیل میہڑ میں سیلاب سے تباہ شدہ دیہات میں کشتی سوار ڈاکوؤں نے لوٹ مار شروع کر دی ۔

 جیو نیوز کی ٹیم سیلابی پانی میں ڈوبے ہوئے ایک گاؤں میں کشتی کے ذریعے پہنچی تو مظلوم متاثرین سیلاب نے بتایا کہ ہم پہلے ہی لٹ چکے اب ہمیں ڈاکو  بھی لوٹ رہے ہیں، ہم مجبور ہیں، پریشان ہیں، ہماری مدد کی جائے۔

متاثرین نے حکومت سے مطالبہ کیا کہ رات کے وقت کشتی چلانے پر پابندی لگائی جائے۔

 تباہ حال متاثرین نے بتایا کہ ابھی تک نہ تو علاقے کے منتخب نمائندے ان تک پہنچے اور نہ کسی اور تنظیم نے امداد پہنچائی۔

 انہوں نے بتایا کہ جیونیوز سب سے  پہلے ان کے پاس پہنچا جس پر  انہوں نے جیو نیوز کا شکریہ بھی ادا کیا۔