انٹرٹینمنٹ
17 ستمبر ، 2022

گٹکے کے اشتہار پر 50 کروڑ مل جائیں تو کوئی میری فلم میں کام کیوں کرے؟ نامور ہدایتکار پھٹ پڑے

کئی شہروں میں صف اول کے اداکاروں کے گٹکے کے اشتہارات کے ہوڈنگ بورڈز لگے ہوئے ہیں: ہدایتکار پرکاش جھا— فوٹو: فائل
کئی شہروں میں صف اول کے اداکاروں کے گٹکے کے اشتہارات کے ہوڈنگ بورڈز لگے ہوئے ہیں: ہدایتکار پرکاش جھا— فوٹو: فائل

بالی وڈ کے ہدایتکار پرکاش جھا نے صف اول کے اداکاروں کو ‘گٹکے’ کے اشتہارات میں کام کرنے پر تنقید کا نشانہ بنایا ہے۔

بھارتی میڈیا رپورٹس کے مطابق ہدایتکار پرکاش جھا نے ٹی وی انٹرویو میں کسی اداکار کا نام لیے بغیر کہا کہ صف اول کے اداکار میری فلموں میں کیوں کام کریں گے؟ جب انہیں گٹکے کے اشتہار کیلئے 50 کروڑ روپے مل رہے ہیں اور وہ گٹکے بیچ رہے ہیں۔

ان کا کہنا تھاکہ کئی شہروں میں صف اول کے اداکاروں کے گٹکے کے اشتہارات کے ہوڈنگ بورڈز لگے ہوئے ہیں۔

ہدایتکار نے بتایا کہ ایک اسکول میں جانا ہوا تو پرنسپل نے بھی گٹکے سے متعلق شکایت کی اور کہا کہ تم لوگ فلم انڈسٹری میں کیا کر رہے ہو؟ ہمارے اسکول کے بچے گٹکا کھاتے ہوئے پکڑے گئے ہیں۔

ان کا مزید کہنا تھاکہ کئی عرصے سے کسی بڑے اداکار کے ساتھ کوئی فلم نہیں کی ہے، جب اداکار گٹکے بیچنے سے زیادہ جاندار کردار پر کام کرنا چاہیں گے تو خود ہی میرے پاس آجا ئیں گے۔

خیال رہے کہ حال ہی میں بالی وڈ اسٹار شاہ رخ خان، اکشے کمار اور اجے دیوگن کو مداحوں کی جانب سے تمباکو برانڈ کی تشہیر پر تنقید کا سامنا کرنا پڑا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM