18 ستمبر ، 2022 
امن و سکون کی تلاش میں 43 سالہ شخص نے 53 شادیاں کر لیں
18 ستمبر ، 2022
سعودی شخص نے امن اور سکون کی تلاش کے لیے 43 سال کی عمر میں 53 شادیاں کرنے کا دعویٰ کیا ہے۔
عرب میڈیا کی ایک رپورٹ کے مطابق 43 سالہ ابو عبداللہ نے کئی شادیوں کی وجہ سے متعلق انکشاف کرتے ہوئے بتایا کہ ان کثیر شادیوں کی وجہ ایک ایسی عورت کی تلاش تھی جو انھیں خوش رکھ سکے۔
گلف نیوز کو دیے گئے انٹرویو میں عبداللہ نے بتایا کہ انہوں نے تمام بیویوں کے ساتھ انصاف کرنے کی کوشش کی اور ان کی پہلی شادی 20 سال کی عمر میں 6سال بڑی خاتون سے ہوئی تھی، جب ان کی پہلی مرتبہ شادی ہوئی اس وقت انھوں نے ایک سے زائد شادیوں کا فیصلہ نہیں کیا تھا کیوں کہ وہ اہلیہ اور بچوں کے ساتھ مطمئن تھے لیکن 23 سال کی عمر میں کچھ مسائل کی وجہ سے دوسری شادی کا فیصلہ کیا۔
سعودی شخص کے مطابق دوسری شادی کے بعد بیویوں کے درمیان مسائل اور کشیدگی کے باعث پھر سے شادیوں کا سوچا اور اس طرح انھوں نے 43 سال میں 53 شادیاں کیں۔
سعودی شخص کا بتانا تھا کہ ان کی سب سے کم عرصے تک چلنے والی شادی کا دورانیہ ایک رات کا تھا، زیادہ تر شادیاں سعودی خواتین سے کیں جبکہ غیر ملکی دوروں کے دوران غیر ملکی خواتین سے بھی شادیاں کیں۔
عرب میڈیا کی جانب سے کیے گئے سوال پر سعودی شخص کا بتانا تھا کہ وہ اب مزید شادی کا ارادہ نہیں رکھتے۔
اتنی زیادہ شادیوں کی وجہ سے سعودی شہری ابو عبداللہ کو ’صدی کےکثیر الازدواج شخص‘ کا خطاب بھی دیا گیا ہے۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
1 گھنٹے پہلے
ایلون مسک کی دولت ریکارڈ 348 ارب ڈالرز تک پہنچ گئی
9 گھنٹے پہلے
