20 ستمبر ، 2022 
پاکستان
شہباز شریف نے نیوزی لینڈ کی ہم منصب جیسنڈا آرڈن اور فرانس کے صدر ایمانوئل میکرون سمیت دیگر ممالک کے سربراہان سے ملاقاتیں کیں— فوٹو: پی ایم ایل این
اقوام متحدہ کی جنرل اسمبلی اجلاس کے موقع پر وزیراعظم کی عالمی رہنماؤں سے ملاقاتیں
20 ستمبر ، 2022
اقوام متحدہ کی جنرل اسمبلی کے 77 ویں اجلاس کے موقع پر وزیر اعظم شہباز شریف نے عالمی رہنماؤں سے ملاقاتیں کی ہیں۔
وزیراعظم شہباز شریف نے یو این سیکرٹری جنرل کے استقبالیے میں نیوزی لینڈ کی ہم منصب جیسنڈا آرڈن اور فرانس کے صدر ایمانوئل میکرون سے ملاقاتیں کیں اور باہمی دلچسپی کے اُمور پر تبادلہ خیال کیا۔
شہباز شریف نے جنرل اسمبلی اجلاس کی سائیڈ لائنز پر آسٹریا کے فیڈرل چانسلر کارل نہامر اور ایران کے صدر سید ابراہیم رئیسی سے بھی ملاقات کی۔
وزیراعظم 23 ستمبر کو جنرل اسمبلی سے خطاب کریں گے۔ جیونیوزسےخصوصی گفتگو میں شہباز شریف کا کہنا تھا کہ سیلاب سے متاثرہ پاکستان کیلئے دنیا بھرکو یکجہتی کا عملی مظاہرہ کرنا ہوگا۔
