22 ستمبر ، 2022
مسلم لیگ ن کے رہنما سینیٹر عرفان صدیقی نے ارکان پارلیمنٹ کو ٹول ٹیکس سے استثنیٰ دینے کے فیصلےکو غیر مناسب قرار دیا ہے۔
ایک بیان میں سینیٹر عرفان صدیقی کا کہنا تھا کہ نیشنل ہائی وے اتھارٹی کے اس فیصلے کے خلاف وہ ایوان میں آواز اٹھائیں گے۔
سینیٹر عرفان صدیقی کا کہنا تھا کہ ارکان پارلیمنٹ کو عام آدمی کی طرح خوش دلی سے تمام ٹیکس ادا کرنے چاہئیں۔
خیال رہے کہ چند روز قبل نیشنل ہائی وے کونسل نے اراکین پارلیمنٹ کو موٹروے پر ٹول ٹیکس سے مستثنیٰ قرار دیا تھا۔