کھیل
23 ستمبر ، 2022

کوچ سے تنازع، اسپینش ویمن فٹبال ٹیم کی 15 کھلاڑیوں نے استعفیٰ دیدیا

کسی بھی کھلاڑی کو قومی کوچ یا اس کی کوچنگ کے حوالے سے سوال اٹھانے نہیں دیں گے: اسپینش فٹبال فیڈریشن۔ فوٹو رائیٹرز
کسی بھی کھلاڑی کو قومی کوچ یا اس کی کوچنگ کے حوالے سے سوال اٹھانے نہیں دیں گے: اسپینش فٹبال فیڈریشن۔ فوٹو رائیٹرز

اسپین کی ویمن فٹبال ٹیم کی 15 کھلاڑیوں نے کوچ کو ہٹانے کے لیے ایک ساتھ استعفیٰ دے دیا۔

غیر ملکی میڈیا کے مطابق رائل اسپینش فٹبال فیڈریشن کی جانب سے اپنے بیان میں کہا گیا ہے کہ قومی ٹیم کے کوچ سے کچھ تنازعات کی صورت میں 15 کھلاڑیوں نے استعفیٰ دیا ہے۔

فیڈریشن کے مطابق ایسا واقعہ فٹبال کی تاریخ میں پہلی بار ہوا ہے، کھلاڑیوں نے اپنی مستعفی ہونے کی وجہ بتاتے ہوئے کہا ہے کہ موجودہ حالت نے ان کی جذباتی کیفیت اور صحت کو نمایاں طور  پر متاثر کیا ہے۔

خبر  رساں  ادارے کے ذرائع کے مطابق  کھلاڑی زخمیوں کے علاج معالجے، لاکر روم کے ماحول، ولڈا کی ٹیم کے انتخاب اور  اس کے تربیتی سیشنز سے ناخوش ہیں۔

اس حوالے سے فیڈریشن کی جانب سے بیان دیتے ہوئے کہا گیا کہ فیڈریشن اور  ایسوسی ایشن دونوں کوچ کے ساتھ کھڑے ہیں اور کسی بھی کھلاڑی کو قومی کوچ یا اس کی کوچنگ کے حوالے سے سوال اٹھانے نہیں دیں گے۔

اسپینش فٹبال ایسوسی ایشن کا کہنا ہے کہ معافی مانگنے اور  اپنی غلطی تسلیم کرنے تک کسی بھی کھلاڑی کو قومی ٹیم میں واپس نہیں لیا جائے گا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM