24 ستمبر ، 2022 
ٹی 20 ورلڈ کپ: پونٹنگ نے کن دو کرکٹرز کو بابر اور شاہین سے بہتر قرار دیا؟
24 ستمبر ، 2022
آسٹریلیا کے سابق کپتان رکی پونٹنگ نے اکتوبر میں ہونے والے ٹی ٹوئنٹی ورلڈ کپ کے لیے کچھ ایسے کرکٹرز کا تذکرہ کیا ہے جو ٹورنامنٹ میں اپنی ٹیموں کے لیے مؤثر ثابت ہو سکتے ہیں۔
انٹرنیشنل کرکٹ کونسل (آئی سی سی) کے ریویو میں آسٹریلوی لیجنڈ سے پوچھا گیا کہ ورلڈ کپ میں پاکستانی فاسٹ بولر شاہین شاہ آفریدی اور بھارتی بولر جسپریت بمراہ میں سے کون زیادہ بہتر بولر ثابت ہو سکتا ہے۔
جواب میں رکی پونٹنگ نے کہا ہم دو بہترین بولرز کا موازنہ کیسے کرسکتے ہیں؟ گزشتہ دو سالوں سے دونوں ہی تمام فارمیٹس میں بہترین کارکردگی دکھانے والے بولرز ہیں۔
رکی پونٹنگ نے کہا پھر بھی میں تجربے کو اہمیت دوں گا، میں بمراہ کو بہتر کہوں گا کیونکہ اس نے شاہین آفریدی سے زیادہ آسٹریلیا میں کرکٹ کھیلی ہے، بمراہ نے کئی بڑے ٹورنامنٹس آسٹریلیا میں کھیلے ہیں اسی لیے وہ زیادہ سازگار ثابت ہو سکتا ہے۔
دوسری جانب رکی پونٹنگ سے دنیا کے دو سب سے زیادہ مستقل مزاج بیٹرز انگلینڈ کے جوز بٹلر اور پاکستان کے کپتان بابر اعظم میں سے بھی کسی ایک کا انتخاب کرنے کا کہا گیا۔
سابق آسٹریلوی کپتان نے کہا 'بابر اعظم تکنیکی طور پر بٹلر سے بہتر کھلاڑی ہیں، اگر دونوں کا اسٹرائیک ریٹ دیکھا جائے تو ان میں کوئی موازنہ نہیں ہے۔
انہوں نے کہا کہ بٹلر انگلینڈ کے ساتھ آسٹریلیا میں بھی زیادہ کرکٹ کھیل چکے ہیں اور انہوں نے بگ بیش میں کچھ وقت سڈنی تھنڈرز کے ساتھ گزارا اسی لیے میں جوز بٹلر کا انتخاب کروں گا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
