ویڈیو: کتے نے بہترین اداکاری کر کے کھانا حاصل کر لیا

اکثر ہم نے سڑک پر موجود سگنل پر انسانوں کو بھیس بدل کر  بھیک مانگتے دیکھا ہوگا لیکن کیا آپ نے کتے کو کبھی کھانے کے حصول کے لیے اداکاری کرتے دیکھا ہے؟ 

 آج ہم آپ کو جو ویڈیو  دکھانے جا رہے ہیں اس میں دیکھا جا سکتا ہے کہ ایک بھوکا کتا سڑک پر موجود ہے، کتے نے کھانا حاصل کرنے کے لیے اپنی ذہانت کا استعمال کرتے ہوئے  اداکاری کے ایسے جوہر دکھائے کہ دیکھنے والے دنگ رہ گئے۔

کتے نے کھانا حاصل کرنے کے لیے معذور بننے کی ایسی اداکاری کی کہ ایک راہگیر کو اس پر رحم آگیا اور  اسے کھانا دے دیا،کتا کھانا لیتے ہی اپنے قدموں پر دوڑنے لگا اور دور جا کر اسی معذور ٹانگ سے کھانا توڑ کر کھانے میں مصروف ہو گیا۔ 

ویڈیو نے سوشل میڈیا صارفین کو ہنسنے پر مجبور  بھی کردیا ہے اور صارفین کی جانب سے کتے کے لیے بہترین اداکاری پر آسکر ایوارڈ کا مطالبہ بھی کیا جا رہا ہے۔