چین : ایک ریسٹورنٹ میں آتشزدگی سے 17 افراد ہلاک
28 ستمبر ، 2022
چین میں ایک عمارت میں آتشزدگی سے کم از کم 17 افراد ہلاک ہوگئے۔
یہ واقعہ چین کے صوبے جیلن کے شہر چانگ چون میں پیش آیا۔
اس شہر کے ایک ریسٹورنٹ میں آگ لگنے کے باعث 17 افراد ہلاک اور 3 زخمی ہوگئے۔
ریسٹورنٹ میں آگ لگنے کی وجہ ابھی معلوم نہیں ہوسکی اور اس حوالے سے حکام کی جانب سے تحقیقات کی جارہی ہے۔
واقعے کے بعد فائر فائٹرز نے موقع پر پہنچ کر آگ پر قابو پالیا تھا۔
حکام نے بتایا کہ زخمیوں کو علاج کے لیے ہسپتال منتقل کردیا گیا ہے۔
