06 اکتوبر ، 2022 
کھیل
ایشیا کپ میں پاکستان ویمنز ٹیم کی یہ پہلی شکست ہے، اس سے قبل پاکستان ٹیم ملائیشیا اور بنگلادیش کو ہرا چکی ہے۔/ فوٹو: ای ایس پی این
ویمن ایشیا کپ میں بڑا اپ سیٹ، تھائی لینڈ نے پاکستان کو ہرا دیا
06 اکتوبر ، 2022
ویمن ایشیا کپ ٹی ٹوئنٹی میں بڑا اپ سیٹ ہوا ہے جس میں تھائی لینڈ نے پاکستان کو سنسنی خیز مقابلے کے بعد 4 وکٹوں سے شکست دے دی۔
پاکستان کی جانب سے دیا گیا 117 رنز کا ہدف تھائی لینڈ نے 6 وکٹ کے نقصان پر ایک بال پہلے حاصل کرلیا۔
تھائی لینڈ کی جانب سے نتھا کان چمپن 61 رنز بنا کر نمایاں رہیں جب کہ پاکستان کی ندا ڈار اور طوبیٰ حسن نے دو،دو وکٹیں حاصل کیں۔
میچ میں پاکستان کی جانب سے سدرہ امین نے 54 رنز بنائے۔
ایشیا کپ میں پاکستان ویمنز ٹیم کی یہ پہلی شکست ہے، اس سے قبل پاکستان ٹیم ملائیشیا اور بنگلادیش کو ہرا چکی ہے۔
