07 اکتوبر ، 2022 
کھیل
فوٹو: ورلڈ ٹیم اسنوکر چیمپئن شپ
پاکستان نے ورلڈ ٹیم اسنوکر چیمپئن شپ کے کوارٹر فائنل کیلئے کوالیفائی کرلیا
07 اکتوبر ، 2022
پاکستان نے ملائیشیا میں جاری ورلڈ ٹیم اسنوکر چیمپئن شپ کے کوارٹر فائنل کیلئے کوالیفائی کرلیا ہے، راؤنڈ آف 16 میں پاکستان نے ملائشیا 3 کو شکست دی ۔
کوالالمپور میں جاری چیمپئن شپ میں پاکستان ٹیم نے گروپ میچز میں ناقابل شکست رہنے کے بعد راؤنڈ آف 16 میں جگہ بنائی جہاں اس کا مقابلہ ملائیشیا 3 سے تھا ۔
بابر مسیح اور احسن رمضان پر مشتمل ٹیم نے چو یو وا اور لو چنگ لیونگ کی جوڑی کو 1-4سے ہراکر کوارٹر فائنل میں جگہ بنائی جہاں اس کا مقابلہ بھارت سے ہوگا۔
پری کوارٹر فائنل میں بابر نے اپنے دونوں سنگلز جیتے جبکہ احسن رمضان نے ایک سنگل جیتا اور دوسرے میں انہیں شکست ہوئی، ڈبلز میں بابر اور احسن پر مشتمل ٹیم نے 72 کا بریک کھیلتے ہوئے کامیابی حاصل کی۔
