11 اکتوبر ، 2022 
’کون بنے گا کروڑ پتی‘ شو میں جیا نے امیتابھ بچن سے کیا شکوہ کیا؟
11 اکتوبر ، 2022
بالی وڈ کے لیجنڈ اداکار امیتابھ بچن کی اہلیہ جیا بچن نے شوہر سے شکوہ کیا ہے۔
امیتابھ بچن کی 80 ویں سالگرہ کے موقع پر ان کی اہلیہ جیا بچن اور بیٹے ابھیشیک بچن بھی شو کون بنے گا کروڑ پتی میں شریک ہوئے۔
ٹی وی چینل کی جانب سے سوشل اکاؤنٹ پر پروگرام کا ایک پرومو جاری کیا گیا ہے جس میں جیا بچن کو شوہر سے شکوہ کرتے دکھایا گیا۔
دورانِ شو جیا بچن اپنے شوہر سے شکوے بھرے انداز میں کہتی ہیں کہ انہوں نے کبھی دیکھا تو نہیں ہے لیکن سنا ہے کہ جب آپ کسی کے کام یا رویے سے متاثر ہوتے ہیں تو انہیں اپنے ہاتھ سے خط لکھ کر یا پھول بھیجتے ہیں، ویسے آج تک مجھے کبھی نہیں بھیجی۔
جیا بچن نے اس دوران امیتابھ کو دیکھ کر سوال کیا کہ بھیجی ہے؟
اس پر امیتابھ نے مذاقاً کہا کہ 'یہ پروگرام بہت ذاتی ہورہا ہے یہ غلط ہے'، ابھیشیک نے والد کی بات پر فوری رد عمل میں کہا کہ 'نہیں نہیں بالکل نہیں، آپ آگے دیکھیں کیا کیا ہوتا ہے'۔
مزید خبریں :
سدھو نے کپل شرما شو چھوڑنے کی اصل وجہ 5 سال بعد بتادی
11 گھنٹے پہلے
