15 اکتوبر ، 2022 
پاکستانی شوٹرگلفام نے پیرس اولمپکس میں جگہ بنالی
15 اکتوبر ، 2022
پاکستان کے ٹاپ شوٹر گلفام جوزف نے مسلسل دوسری مرتبہ اولمپکس کے لیے براہ راست کوالیفائی کرلیا ہے، مصر میں ہونے والی ورلڈ چیمپئن شپ میں انہوں نے چھٹی پوزیشن حاصل کرکے پیرس اولمپکس کے لیے جگہ پکی کرلی۔
رائفل ایسوسی ایشن آف پاکستان کے مطابق پاکستانی شوٹر گلفام جوزف نے پیرس اولمپکس 2024 کے لیےکوالیفائی کرلیا ہے۔
گلفام نے ورلڈ چیمپئن شپ میں شاندار پرفارمنس کے ساتھ اولمپک کوٹہ کنفرم کیا، مصر کے شہر قاہرہ میں ورلڈ چیمپئن شپ میں گلفام جوزف نے چھٹی پوزیشن حاصل کی۔
انہوں نے 10 میٹر ایئرپسٹل مقابلوں کے فائنل راؤنڈ میں 198.4 پوائنٹس حاصل کیے۔
یاد رہےکہ گلفام جوزف نے ٹوکیو اولمپکس کے لیے بھی براہ راست کوالیفائی کیا تھا، ٹوکیو اولمپکس میں گلفام جوزف نے نویں پوزیشن حاصل کی تھی۔
