16 اکتوبر ، 2022 
مولاجٹ دیکھنے والوں کو حمزہ علی عباسی کی وارننگ
16 اکتوبر ، 2022
"جیو فلمز" کی پیش کش، انسائیکلومیڈیا اور لاشاری فلمز کا شاہکار ،”دی لیجنڈ آف مولا جٹ“ کے کلپس اور ریکارڈنگز سوشل پر شیئر کرنے والوں کے لیے اداکار حمزہ علی عباسی نے انتباہ جاری کیا ہے۔
ٹوئٹر پر مولا جٹ میں نوری نتھ کا کردار نبھانے والے حمزہ علی عباسی کی جانب سے کہا گیا ہے کہ ’ فلم مولا جٹ کے سین، ریکارڈنگز اور ویڈیوز اپنے چینل اور سوشل میڈیا اکاؤنٹس پر شیئر کرنے والوں کے خلاف سخت ایکشن لیا جائےگا۔
دوسری جانب حمزہ علی عباسی نے اسی حوالے سے بلال لاشاری کا بھی ایک ٹوئٹ شیئر کیا جس میں درج ہے کہ میرے پیارے بھائیو اور بہنوں بہت خوش ہوں کہ آپ سب کو فلم اتنی زیادہ پسند آرہی ہے لیکن سنیما اسکرین کی فون سے ویڈیوز بنا کر پوسٹ مت کریں یہ جرم ہے اور جس نے نہیں دیکھی ان کی فلم مت خراب کریں، آپ لوگوں کی مہربانی۔
فلم کی کاسٹ میں فواد خان، ماہرہ خان، حمزہ علی عباسی، حمائمہ ملک، گوہر رشید اور دیگر شامل ہیں۔
