26 اکتوبر ، 2022 
کھیل
پہلی شکست کے بعد دوسرا مقابلہ اہم ، قومی ٹیم آج دو مرتبہ پریکٹس کریگی
26 اکتوبر ، 2022
ٹی ٹوئنٹی ورلڈکپ کے دوسرے مقابلے کے لیے قومی ٹیم پرتھ کے آپٹس اسٹیڈیم میں آپشنل ٹریننگ سیشن کے لیے پہنچ گئی۔
پاکستان کرکٹ ٹیم کے 8 کھلاڑی پریکٹس سیشن کے لیے موجود ہیں جن میں بابر اعظم، محمد رضوان، شاہنواز دھانی، فخر زمان، عثمان قادر، محمد حارث، محمد حسنین اور خوشدل شاہ شریک ہیں۔
ٹریننگ سیشن میں ہیڈ کوچ ثقلین مشتاق، بولنگ کوچ شان ٹیٹ اور بیٹنگ کوچ محمد یوسف بھی موجود ہیں۔
پاکستان ٹیم کا آپشنل نیٹ سیشن ڈیڑھ گھنٹہ جاری رہے گا جس کے بعد قومی ٹیم رات کو ایک بار پھر آپٹس اسٹیڈیم میں ہی فیلڈنگ پریکٹس کرے گی۔
واضح رہے کہ زمبابوے کے خلاف پاکستان ٹیم کل پرتھ میں میدان میں اترے گی۔
