04 نومبر ، 2022 
پاکستان
پی ٹی آئی کارکنوں نے گورنر ہاؤس کے گیٹ کے باہر توڑ پھوڑ کی اور ٹائر جلائے، دروازوں پر لگی لائٹس اور سکیورٹی کیمرے توڑ دیے— فوٹو: اسکرین گریب
لاہور: پی ٹی آئی کارکنوں کا گورنر ہاؤس کے باہر جلاؤ گھیراؤ، گیٹ پر چڑھ گئے
04 نومبر ، 2022
لاہور میں پاکستان تحریک انصاف کے کارکنوں نے مال روڈ پر جلاؤ گھیراؤ کیا اور توڑ پھوڑ کی۔
پی ٹی آئی چیئرمین عمران خان پر حملے کے خلاف کارکنوں نے لاہور کے مختلف مقامات پر احتجاج کیا۔
پی ٹی آئی کارکنوں نے مال روڈ پر گورنر ہاؤس کے گیٹ کے باہر توڑ پھوڑ کی اور ٹائر جلائے۔ مظاہرین نے دروازوں پر لگی لائٹس اور سکیورٹی کیمرے توڑ دیے جبکہ پی ٹی آئی کا پرچم تھامے کارکنان گورنر ہاؤس کے گیٹ پر چڑھ گئے۔
پی ٹی آئی کارکنوں کے احتجاج کے باعث مال روڈ پر ٹریفک جام ہوگیا جبکہ ٹھوکر نیاز بیگ، شاہدرہ چوک اور جی پی او چوک میں ٹریفک کی روانی شدید متاثر ہے۔
مزید خبریں :
پی ٹی آئی کی کوئٹہ میں جلسہ کرنے کی درخواست مسترد
5 گھنٹے پہلے
