06 نومبر ، 2022 
نیدرلینڈز کے کرکٹر کو 'مین آف دی میچ' پیش کرنے سے متعلق حفیظ کی دلچسپ ٹوئٹ
06 نومبر ، 2022
پاکستان کے سابق کپتان محمد حفیظ نے نیدرلینڈز کے بیٹر کولن ایکرمین کو جنوبی افریقا کے خلاف میچ میں بہترین کھلاڑی کا ایوارڈ پیش کرنے سے متعلق دلچسپ ٹوئٹ کی۔
ایڈیلیڈ میں آج کھیلے جانے والے پہلے میچ میں نیدرلینڈز نے شاندار کرکٹ کا مظاہرہ کیا اور جنوبی افریقا جیسی مضبوظ حریف کو 13 رنز سے اپ سیٹ شکست دیکر ٹورنامنٹ سے باہر کر دیا۔
ایسے میں بطور پاکستانی سفیر آسٹریلیا میں موجود محمد حفیظ نے کولن ایکرمین کو 26 گیندوں پر 41 رنز کی ناقابل شکست اننگز کھیلنے پر مین آف دی میچ کا ایوارڈ دیا۔
حفیظ نے اپنی ٹوئٹ میں لکھا کہ 'کولن ایکرمین کو بحیثیت پاکستانی مداح مین آف دی میچ کا ایوارڈ خاص شکریہ کے ساتھ پیش کر رہا ہوں'۔
خیال رہے کہ نیدرلینڈز نے جنوبی افریقا کے خلاف میچ جیت کر پاکستان کے لیے سیمی فائنل میں کوالیفائی کرنے کی راہ ہموار کر دی ہے۔
پاکستان نے اگر بنگلادیش کو شکست دے دی تو قومی ٹیم سیدھا سیمی فائنل میں پہنچ جائے گی جبکہ بھارت پہلے ہی ٹی ٹوئنٹی ورلڈ کپ کے سیمی فائنل کے لیے کوالیفائی کرچکا ہے۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
