13 نومبر ، 2022 
پاکستان
بوٹ بیسن پر فائرنگ کے بعد سکیورٹی گارڈ موقعے سے فرار ہوگیا/ فائل فوٹو
کراچی: ہوٹل کے باہر بھیک مانگنے والے بچے پر سکیورٹی گارڈ کی فائرنگ، بچہ جاں بحق
13 نومبر ، 2022
کراچی کے علاقے بوٹ بیسن میں ہوٹل کے باہر سکیورٹی گارڈ کی فائرنگ سے بھیک مانگنے والا بچہ جاں بحق ہوگیا۔
فائرنگ کا واقعہ مشہور فوڈ اسٹریٹ بوٹ بیسن پر پیش آیا، جہاں بھیک مانگنے والوں کا رش لگا رہتا ہے جن میں بچے بھی شامل ہوتے ہیں۔
بوٹ بیسن پر سکیورٹی گارڈ کی جانب سے بھیک مانگنے والے بچے پر فائرنگ کی گئی جس سے بچہ موت کی نیند سو گیا جبکہ واقعے کے بعد سکیورٹی گارڈ موقعے سے فرار ہوگیا۔
دوسری جانب کراچی کے علاقے کورنگی میں مرتضیٰ چورنگی پر فائرنگ کا واقعہ پیش آیا جس سے 2 افراد جاں بحق ہو گئے۔
