15 نومبر ، 2022 
پی سی بی کو شاہین کو اب احتیاط سے کھلانا ہوگا: شاہد آفریدی
15 نومبر ، 2022
پاکستان کے سابق کپتان شاہد آفریدی کا کہنا ہے کہ پی سی بی کو اب شاہین شاہ آفریدی کو بہت احتیاط سے چلانا ہوگا۔
نجی میڈیا سے گفتگو کرتے ہوئے شاہد آفریدی نے بتایا کہ شاہین اب ریسٹ پر ہے کیوں کہ شاہین کے گھٹنے کی انجری کے بعد ایک بار پھر اسی جگہ زور آیا ہے۔
انہوں نے کہا میرا خیال ہے کہ اب شاہین کو پورے 2 سے 3 ماہ ریکوری کے لیے لینا چاہئیں، اسے اپنی فیلڈنگ میں خیال رکھنا چاہیے، کسی ایسی پوزیشن میں نہیں ڈائیو مارنا چاہیے جس کے بعد اسے ایک بار پھر ری ہیب پر جانا پڑا ۔
شاہد آفریدی کا کہنا تھا کہ شاہین کو اب بہت احتیاط سے چلنا ہوگا اور پی سی بی کو بھی شاہین کو بہت احتیاط سے چلانا ہوگا۔
دوسری جانب شاہین کے ان فٹ ہونے کے باوجود ورلڈکپ کھیلنے سے متعلق قیاس آرائیوں پر شاہد آفریدی نے جواباً کہا کہ شاہین اگر ان فٹ ہوتا تو ورلڈکپ کے فائنل میں 2 اوورز بھی نہیں لیتا۔
واضح رہے کہ شاہین شاہ کے اسکین کا جائزہ پی سی بی کے میڈیکل آفیسر ڈاکٹر نصیب اللہ سومرو اور گھٹنے کے آسٹریلوی اسپیشلسٹ ڈاکٹر پیٹر ڈی ایلسنڈرو نے لیا ہے جن کے جائزے میں یہ بات سامنے آئی کہ شاہین آفریدی کو انجری کا سامنا نہیں ہے، وہ اب بہتر محسوس کر رہے ہیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
