پاک افغان سرحد پرباب دوستی چوتھے روز بھی بند، سیکڑوں پاکستانی پھنس گئے
16 نومبر ، 2022
چمن میں باب دوستی پرافغان حدود سے فائرنگ کے واقعے کے بعد سے پاک افغان بارڈرباب دوستی چوتھےروزبھی ہرقسم کی آمدورفت کیلئے بند رہی۔
افغانستان میں پھنسے 9ہزار 500پاکستانی گزشتہ روزوطن واپس آگئے جبکہ سرحد پار 2 ہزار سے زائد پاکستانی پھنسے ہوئے ہیں جن کے پاس شناختی کارڈموجود نہیں۔
ٹرانسپورٹ یونین کے مطابق افغانستان میں 3ہزار سے زائد لوڈ اورخالی ٹرک وکنٹینرز پھنسےہوئے ہیں جس کے باعث خوراک، سبزی اور میوہ جات خراب ہو رہے ہیں اور کروڑوں روپے کا نقصان ہورہا ہے۔
انتظامیہ کا کہنا ہے کہ جب تک افغان حکام کی جانب سے باب دوستی واقعے میں ملوث ملزم حوالے نہیں کیا جاتا، بارڈر بند رہے گا۔
خیال رہے کہ اتوارکو باب دوستی پر افغان حدود سے فائرنگ میں ایک ایف سی اہلکار شہید اور دو زخمی ہوگئے تھے جس کے بعد سے باب دوستی بند ہے۔
