19 نومبر ، 2022 
فلمیں دیکھنے کا مقصد فلمیں دیکھنا ہے نہ کہ اداکاراؤں کو دیکھنا: حارث رؤف
19 نومبر ، 2022
پاکستان کرکٹ ٹیم کے فاسٹ بولر حارث رؤف کا کہنا ہے کہ فلمیں دیکھنے کا مقصد فلمیں دیکھنا ہے نہ کہ اداکاراؤں کو دیکھنا۔
جیو نیوز کے پروگرام ’ایک دن جیو کے ساتھ‘ کیلئے میزبان سہیل وڑائچ کو دیے گئے حارث رؤف کے انٹرویو کلپس کئی ماہ گزر جانے کے باوجود بھی سوشل میڈیا پر وائرل ہیں۔
انٹرویو میں میزبان کی جانب سے موسیقی میں دلچسپی سے متعلق کیے گئے سوال پر حارث رؤف کا کہنا تھا کہ مجھے بالی وڈ کے رومانوی گانے خاصے پسند ہیں، کوئی بھی نیا گانا ہفتوں مسلسل سنتا ہوں جبکہ پسندیدہ سنگر ارجیت سنگھ ہے۔
پسندیدہ اداکارہ سے متعلق کیے گئے سوال پر حارث رؤف کا کہنا تھا کہ میری پاکستان اور بھارت دونوں جگہ کوئی اداکارہ پسندیدہ نہیں ہے، فلمیں ضرور دیکھتا ہو لیکن فلمیں دیکھنے کا مقصد فلمیں دیکھنا ہے نہ کہ اداکاراؤں کو دیکھنا۔
سہیل وڑائچ کی جانب سے شادی کب کریں گے کے سوال پر فاسٹ بولر کا کہنا تھا کہ وہ جلد شادی کرنے والے ہیں۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
