انٹرٹینمنٹ
19 نومبر ، 2022

اداکار ایوشمان کُھرانا کا اپنے اور نیہا ککڑ سے متعلق حیران کن انکشاف

بھارتی ٹی وی ریئلٹی شو ’انڈین آئیڈل‘ کی ایک ویڈیو سوشل میڈیا پر وائرل ہورہی ہے جس میں ایوشمان کھرانا، نیہا ککڑ و دیگر موجود ہیں— فوٹو: فائل
بھارتی ٹی وی ریئلٹی شو ’انڈین آئیڈل‘ کی ایک ویڈیو سوشل میڈیا پر وائرل ہورہی ہے جس میں ایوشمان کھرانا، نیہا ککڑ و دیگر موجود ہیں— فوٹو: فائل

بھارتی اداکار و گلوکار ایوشمان کھرانا نے اپنے اور گلوکارہ نیہا ککڑ سے متلعق حیران کن انکشاف کیا ہے۔

بھارتی ٹی وی ریئلٹی شو ’انڈین آئیڈل‘ کی ایک ویڈیو سوشل میڈیا پر وائرل ہورہی ہے جس میں ایوشمان کھرانا، نیہا ککڑ و دیگر موجود ہیں۔

ویڈیو میں ایوشمان کھرانا کہہ رہے ہیں کہ اپنی زندگی میں انہوں نے مختلف شعبوں میں قسمت آزمانے کی کوشش کی، آر جے بننے کی کوشش کی، گلوکاری میں لوہا منوانا چاہا، اس مقصد کیلئے انہوں نے انڈین آئیڈل کے 2004 میں ہونے والے پہلے سیزن کیلئے آڈیشن بھی دیا تھا لیکن انہیں مسترد کردیا گیا تھا۔ 2004 میں انڈین آئیڈل ابھیجیت ساونت نے جیتا تھا۔

ایوشمان نے انکشاف کیا کہ ’نیہا ککڑ اور میں ایک ہی دن ریجکٹ ہوئے تھے اور ٹرین پر ممبئی سے دہلی واپس جا رہے تھے، ٹرین میں آڈیشن میں مسترد ہونے والے تقریباً 50 لوگ اور تھے لیکن آج نیہا جج ہے اور میں یہاں،، یہ سب میرے لیے بہت معنی رکھتا ہے۔‘

خیال رہے کہ ایوشمان کھرانا نے 2004 میں بطور ٹی وی ہوسٹ اپنا کیریئر شروع کیا تھا، انہیں بالی ووڈ میں بریک 2012 میں ملا اور وہ فلم ’وکی ڈونر‘ میں مرکزی کردار میں نظر آئے۔

دوسری جانب نیہا ککڑ نے 2005 میں انڈین آئیڈل کیلئے دوبارہ آڈیشن دیا اور اس بار وہ منتخب ہوگئیں تاہم جیت نہ سکیں البتہ ٹاپ 12 فائنلسٹس میں ان کا نام شامل تھا۔ یہ ایڈیشن سندیپ اچاریا نے جیتا تھا۔ نیہا ککڑ کو بالی وڈ میں بڑا بریک 2012 میں فلم کاک ٹیل میں ملا جب انہیں ’سیکنڈ ہینڈ جوانی‘ گانے کا موقع ملا۔

یاد رہے کہ انڈین آئیڈل کا 13 ہواں سیزن ان دنوں نشر کیا جارہا ہے جس میں نیہا ککڑ کے ساتھ ہمیش ریشمیا اور وشال ڈاڈلانی جج کے فرائض انجام دے رہے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM