26 نومبر ، 2022 
پاکستان
تمام اسمبلیوں سے باہر نکلنے کا فیصلہ کیا ہے، مشاورت کے بعد جلد اعلان ہوگا: عمران خان کا جلسے سے خطاب— فوٹو:فائل
جس دن عمران خان نےکہا اسی وقت پنجاب اسمبلی توڑ دی جائے گی، مونس کا اعلان
26 نومبر ، 2022
وزیراعلیٰ پنجاب پرویز الٰہی کے بیٹے و سابق وفاقی وزیر مونس الٰہی نے پاکستان تحریک انصاف کے چیئرمین عمران خان کے اسمبلیوں سے نکلنے کے بیان پر ردعمل کا اظہار کیا ہے۔
سابق وزیراعظم و پاکستان تحریک انصاف کے چیئرمین عمران خان نے راولپنڈی کے جلسے سے خطاب میں کہا کہ تمام اسمبلیوں سے باہر نکلنے کا فیصلہ کیا ہے۔
اس کے ردعمل میں مونس الٰہی نے اپنی ٹوئٹ میں کہا کہ 27 جولائی کواللہ پاک نے سرخروکرکے پرویز الٰہی کو وزیراعلیٰ بنایا تھا۔
ان کا کہنا تھاکہ اس دن کے بعد سے ہم بونس پر چل رہےہیں اور اپنے وعدے پر قائم ہیں۔
انہوں نے اعلان کیا کہ جس دن عمران خان نےکہا اسی وقت پنجاب اسمبلی توڑدی جائے گی۔
