28 نومبر ، 2022 
کھیل
ایک کے بعد ایک چھکا، بھارتی کرکٹر نے ایک اوور میں 43 رنز بنادیے
28 نومبر ، 2022
بھارت میں کرکٹ میچ کے دوران ایک اوور میں 43 رنز بن گئے۔
ای ایس پی این کرک انفو کی جانب سے ٹوئٹر اکاؤنٹ پر بھارت میں ہونے والے ایک ڈومیسٹک کرکٹ میچ کی ویڈیو شیئر کی گئی ہے جس میں بیٹر نے بولر کی خوب درگت بنائی۔
ویب سائٹ کے مطابق مہاراشٹرا کی ٹیم کی بیٹنگ جاری تھی جس کے 49 ویں اوور میں بلے باز رتوراج نے بولر کی خوب درگت بنائی اور چار گیندوں پر چار چھکے رسید کیے۔
بیٹر کی جانب سے ایسی پٹائی پر بولر پریشر میں آگیا اور پانچویں گیند نوبال کرادی جس پر بلے باز نے نوبال پر بھی چھکا لگادیا جس کی وجہ سے ایک گیند پر 7 رنز ملے۔
بلے باز نے یہیں پر بس نہیں کی بلکہ اوور کی آخری دو گیندوں پر بھی مسلسل چھکے لگائے اور ایک اوور میں 43 رنز بٹور لیے۔
مزید خبریں :
چیمپیئنز ٹرافی کی رونمائی آج نتیھا گلی میں ہوگی
2 گھنٹے پہلے
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
