دلچسپ و عجیب
28 نومبر ، 2022

فٹبال ورلڈکپ میں کچھ کھلاڑی عجیب فیس ماسک کیوں استعمال کررہے ہیں؟

کروشیا کے کھلاڑی Joško Gvardiol / فوٹو بشکریہ PROFIMEDIA
کروشیا کے کھلاڑی Joško Gvardiol / فوٹو بشکریہ PROFIMEDIA 

اگر آپ قطر میں جاری فٹبال ورلڈکپ کو دیکھ رہے ہیں تو کچھ کھلاڑیوں کو چہرے پر عجیب ماسک پہنے دیکھا ہوگا۔

ان فیس ماسک کا موازنہ کچھ افراد کی جانب سے ہالی وڈ فلم دی سائلنس آف دی لیمبز کے مرکزی کردار ہینی بال لیکٹر کے ماسک سے کیا جارہا ہے۔

تو آخر مختلف ٹیموں کے کھلاڑی یہ عجیب فیس ماسک کیوں استعمال کررہے ہیں؟

حقیقت تو یہ ہے کہ یہ فیس ماسک کسی فیشن ٹرینڈ کا حصہ نہیں بلکہ انجری سے تحفظ فراہم کرنے والی جدید ترین ڈیوائس ہے۔

یہ فیس ماسک پولی کاربونیٹ جیسے میٹریل سے تیار کیے گئے ہیں اور چہرے کی انجری کے شکار کھلاڑیوں کو مزید نقصان سے بچاتے ہیں۔

کچھ فیس ماسک تو کھلاڑی کے چہرے کے حجم کے مطابق تھری ڈی پرنٹر سے پرنٹ کرکے تیار کیے گئے ہیں۔

کروشیا کے فٹبالر Joško Gvardiol نومبر کے شروع میں ایک ساتھی کھلاڑی سے ٹکرا گئے تھے جس سے ناک ٹوٹ گئی تھی جبکہ چہرے اور آنکھوں کو بھی کچھ نقصان ہوا، اسی وجہ سے وہ ورلڈکپ میں اس طرح کے ماسک استعمال کررہے ہیں۔

ایسا ہی کچھ جنوبی کوریا کے کھلاڑی Son Heung-min کے ساتھ نومبر کے شروع میں ہوا تھا۔

Son Heung-min / رائٹرز فوٹو
Son Heung-min / رائٹرز فوٹو

ایک لیگ مقابلے میں ٹکر سے چہرے کی انجری کا سامنا ہوا تو انہوں نے قطر ورلڈکپ میں اس جدید فیس ماسک کو استعمال کرنے کا فیصلہ کیا۔

ان کے مطابق یہ ماسک توقع سے زیادہ بہتر ہے اور اچھے میٹریل سے تیار کیا گیا ہے جس سے ٹکر سے تحفظ ملتا ہے جبکہ حیران کن حد تک ہلکے بھی ہیں۔

تیونس کے کھلاڑی Ellyes Skhiri نے ڈنمارک اور آسٹریلیا کے خلاف ورلڈکپ مقابلوں میں اس فیس ماسک کا استعمال کیا کیونکہ اکتوبر میں ان کے گال کی ہڈی ٹوٹ گئی تھی۔

Ellyes Skhiri / فوٹو بشکریہ Icon Sport
Ellyes Skhiri / فوٹو بشکریہ Icon Sport

ایران کے فٹبال علی رضا کی جانب سے بھی انگلینڈ کے خلاف میچ میں چہرے کی انجری کے بعد سے اس فیس ماسک کو استعمال کیا جارہا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM