لاہور میں بچے کا قتل، کیس میں کالے جادو کا پہلو بھی شامل ہوگیا

ڈھائی سالہ ذیشان علی کی لاش پیر کے روز چوہنگ قبرستان کے قریب کھیتوں سے ملی تھی/فوٹو فائل
ڈھائی سالہ ذیشان علی کی لاش پیر کے روز چوہنگ قبرستان کے قریب کھیتوں سے ملی تھی/فوٹو فائل 

لاہور: چوہنگ میں ڈھائی سالہ بچے کے اغوا اور قتل کیس کی تفتیش میں کالے جادو کا پہلوبھی شامل ہوگیا۔

مقتول بچے کے سینے پر تیز دھار آلے سے بے ربط تحریر ملی ہے ، پولیس نے تحریر ڈی کوڈ کرنے کیلئے ماہرین کی خدمات حاصل کرلیں۔

ڈھائی سالہ ذیشان علی کی لاش پیر کے روز چوہنگ قبرستان کے قریب کھیتوں سے ملی تھی، ذیشان گھر سے کھیلنے نکلا تھا لیکن واپس نہ آیا، اگلے دن اس  کی لاش مل گئی۔

تفتیشی حکام کے مطابق مقتول بچے کے سینے پر تیز دھار آلے سے بے ربط تحریر تھی جس کے الفاظ کالے جادو کی طرف اشارہ کرتےہیں ، اس تحریر کو ڈی کوڈ کرنے کے لیے ماہرین کی خدمات حاصل کر لی گئی ہیں۔

پولیس کے مطابق زیر حراست افراد سے بھی پوچھ گچھ جاری ہے۔

مزید خبریں :