انٹرٹینمنٹ
30 نومبر ، 2022

کریتی سینن نے پربھاس کے ساتھ تعلقات کی افواہوں پر خاموشی توڑ دی

اداکارہ کریتی سینن نے اپنے انسٹاگرام کے ذریعے گردش کرتی افواہوں کی تردید کرتے ہوئے انہیں بے بنیاد قرار دیا/فوٹوفائل
اداکارہ کریتی سینن نے اپنے انسٹاگرام کے ذریعے گردش کرتی افواہوں کی تردید کرتے ہوئے انہیں بے بنیاد قرار دیا/فوٹوفائل

بالی وڈ کی دلکش اداکارہ کریتی سینن نے اپنے اور تیلگو  اداکار  پربھاس کے درمیان کسی تعلق سے متعلق افواہوں پر خاموشی توڑ دی۔

حال ہی میں بالی وڈ اداکار  ورون دھون نے ایک ریئلٹی شو پر کریتی سینن اور پربھاس کے درمیان تعلقات کا اشارہ دیا  تھا تاہم اب اداکارہ نے ایسی تمام افواہوں کی تردید کر دی ہے۔

اداکارہ کریتی سینن نے اپنے انسٹاگرام کے ذریعے گردش کرتی افواہوں کی تردید کرتے ہوئے انہیں بے بنیاد قرار دیا۔

اپنی انسٹاگرام اسٹوری میں انہوں نے لکھا کہ ان کے کو اسٹار ورون دھون ریئلٹی شو میں کچھ زیادہ ہی جذباتی ہو گئے تھے اور ان کا کیا ہوا مذاق افواہوں کا سبب بن گیا۔

یہ ’’پیار‘‘ ہے اور نہ ہی ’’پی آر‘‘ ہمارا ’’بھیڑیا‘‘ ریئلٹی شو پر کچھ زیادہ ہی جذباتی ہو گیا تھا — فوٹو: اسکرین شاٹ
یہ ’’پیار‘‘ ہے اور نہ ہی ’’پی آر‘‘ ہمارا ’’بھیڑیا‘‘ ریئلٹی شو پر کچھ زیادہ ہی جذباتی ہو گیا تھا — فوٹو: اسکرین شاٹ

انہوں نے لکھا ’’نہ یہ پیار ہے‘‘ اور ’’نہ ہی پی آر‘‘ ہمارا ’’بھیڑیا‘‘ ریئلٹی شو پر کچھ زیادہ ہی جذباتی ہو گیا تھا۔

کریتی نے لکھا کہ اس سے پہلے کہ کوئی پورٹل میری شادی کی تاریخ کا اعلان کر دے میں آپ کا یہ غبارہ ہی پھوڑ دیتی ہوں، یہ افواہیں بے بنیاد ہیں۔

واضح رہے کہ اپنی نئی فلم 'بھیڑیا' کی تشہیر کیلئے اداکارہ کریتی سینن اور ورون دھون بھارتی ڈانس شو 'جھلک دکھلا جا' کے مہمان بنے جہاں ورون دھون نے نام لیے بغیر کریتی سینن اور تیلگو انڈسٹری کے سپر اسٹار پربھاس کے تعلقات سے متعلق اشارہ دیا تھا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM