دنیا
30 نومبر ، 2022

بھارتی سنگر کی 6 لڑکیوں سے شادی، بیوی کیساتھ گھومتے دوسری کے بھائی نے پکڑ لیا

چھوٹو کمار کی بیوی منجو کے بھائی نے اپنے بہنوئی کو دوسری عورت کے ساتھ دیکھ کر روکا تو اس نے بتایا کہ یہ میری بیوی ہے۔ فوٹو فائل
چھوٹو کمار کی بیوی منجو کے بھائی نے اپنے بہنوئی کو دوسری عورت کے ساتھ دیکھ کر روکا تو اس نے بتایا کہ یہ میری بیوی ہے۔ فوٹو فائل

بھارت میں 6 خواتین سے شادی کرنے والے سنگر کو ایک بیوی کے بھائی نے دوسری بیوی کے ساتھ گھومتے ہوئے رنگے ہاتھوں پکڑ لیا۔

بھارتی میڈیا کے مطابق ریاست بہار سے تعلق رکھنے والے چھوٹو کمار کی 4 مختلف ریاستوں سے تعلق رکھنے والی 6 خواتین کے ساتھ شادی کا بھانڈا اس وقت پھوٹا جب ایک بیوی کے ساتھ گھومتے ہوئے دوسری بیوی کے بھائی نے اسے رنگے ہاتھوں پکڑ لیا۔

میڈیا رپورٹس کے مطابق چھوٹو کمار کے پہلی بیوی سے 4 بچے ہیں جبکہ دوسری بیوی جس سے اس کے دو بچے تھے اسے اس نے چھوڑ دیا تھا۔

چھوٹو کی بیوی منجو کے بھائی نے اپنے بہنوئی کو جموئی ریلوے اسٹیشن پر دوسری عورت کے ساتھ دیکھ کر روکا تو اس نے بتایا کہ یہ میری بیوی ہے۔

منجو کی والدہ نے پولیس کو بتایا کہ اس کی بیٹی کی 2018 میں چھوٹو کمار کے ساتھ شادی ہوئی تھی، تقریباً ڈیڑھ برس پہلے چھوٹو دوا لینے گیا اور غائب ہو گیا، چھوٹو کمار نے ہمیں دھوکا دیا اس نے ایک اور عورت سے بھی شادی کر رکھی ہے جس سے اس کے 4 بچے ہیں۔

دوسری جانب چھوٹو کمار کے سالے کا کہنا تھا کہ میری بہن اتنے طویل عرصے سے اپنے شوہر کا انتظار کر رہی ہے اور چھوٹو دوسری عورت کو اپنی بیوی بتا رہا ہے۔

پولیس کا کہنا ہے کہ دوران تفتیش اس بات کا انکشاف ہوا کہ چھوٹو کمار پیشے کے اعتبار سے سنگر ہے اور اس نے چائنا واریہ، سندر کند، رانچی، سنگرام پور، دلی اور دیو گڑھ میں بھی خواتین سے شادیاں کی ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM