01 دسمبر ، 2022 
پاکستان
فوٹو: فائل
"پنجاب سے پی ٹی آئی اراکین رابطے میں ہیں، وہ نہیں چاہتے کہ اسمبلیاں توڑی جائیں"
01 دسمبر ، 2022
وزیر دفاع خواجہ آصف نے کہا ہے کہ پنجاب میں تحریک انصاف کے اراکین ہم سے رابطے میں ہیں، وہ نہیں چاہتے کہ اسمبلیاں توڑی جائیں۔
جیو نیوز کے پروگرام ’’آج شاہزیب خانزادہ کے ساتھ‘‘ میں بات کرتے ہوئے انہوں نے کہا کہ اب دیکھتے ہیں اراکین کے رابطوں سے متعلق کس کا دعویٰ درست ثابت ہوتا ہے۔
پروگرام کے دوران پرویزالہٰی کو اپنا امیدوار بنانے سے متعلق پوچھے گئے سوال کے جواب میں وزیر دفاع خواجہ آصف نے کہا کہ سیاسی صورتِ حال مسلسل بدل رہی ہے، ان کے کچھ دوست اس کام پر لگے ہوئے ہیں۔
ان کا کہنا تھا کہ ایسی کوئی بات نہیں کریں گے، جو ان کیلئے مشکلات کھڑی کرے۔
