03 دسمبر ، 2022 
آسٹریلیا، ویسٹ انڈیز ٹیسٹ: لبوشین کی شاندار بیٹنگ، 48 سال بعد اعزاز اپنے نام کرلیا
03 دسمبر ، 2022
آسٹریلوی کرکٹر مارنوس لبوشین 48 برس بعد کرکٹ میں ایک اہم اعزاز حاصل کرنے والے تیسرے آسٹریلوی کرکٹر بن گئے۔
آسٹریلیا کے مارنوس لبوشین ٹیسٹ میچ میں ڈبل سنچری اور پھر سنچری اسکور کرنے والے دنیا کے آٹھویں بلے باز بن گئے ہیں جب کہ وہ یہ کارنامہ انجام دینے والے آسٹریلیا کے تیسرے بلے باز ہیں۔
آسٹریلیا کے کسی بیٹر نے یہ اعزاز 48 برس کے بعد حاصل کیا، آسٹریلیا کی جانب سے ڈوگ والٹرز نے 1969 اور گریگ چیپل نے 1974 میں یہ کارنامہ انجام دیا۔
لبوشین نے ویسٹ انڈیز کے خلاف پرتھ ٹیسٹ میں پہلی اننگز میں ڈبل سنچری اور پھر دوسری اننگز میں سنچری بنائی، لبوشین نے پہلی اننگز میں 204 اور دوسری اننگز میں 104 رنز بنائے۔
اس کے علاوہ سنیل گواسکر، لارنس رو ،گراہم گوچ، برائن لارا اور کمار سنگارا بھی یہ اعزاز حاصل کرچکے ہیں۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
