اعظم سواتی کے ساتھ جو ہوا میرے ساتھ ہو تو خود کش حملے کیلئے تیار ہوجاؤں: عمران خان
03 دسمبر ، 2022
چیئرمین تحریک انصاف عمران خان کا کہنا ہے کہ جو کچھ اعظم سواتی کے ساتھ ہوا ہے وہ اگر میرے ساتھ ہو تو میں خود کش حملے کیلئے تیار ہوجاؤں۔
عمران خان نے کہا کہ ان کے ذہن میں صرف یہ بات ہی رہ جائے گی کہ بدلہ کیسے لینا ہے۔
انہوں نے کہا کہ اعظم سواتی کیلئے احتجاج کرنا ضروری ہے، اس کے ساتھ جو ہوا وہ ظلم کی انتہا ہے۔
یاد رہے کہ اعظم سواتی کو 27 نومبر کو ایف آئی اے نے اسلام آباد سے حراست میں لیا تھا اور گزشتہ روز جوڈیشل مجسٹریٹ اسلام آباد نے ان کا 14 روزہ جوڈیشل ریمانڈ منظور کیا تھا جس کے بعد بلوچستان پولیس انہیں کوئٹہ لے گئی۔
