09 دسمبر ، 2022 
سلمان خان کس اداکارہ کو ڈیٹ کر رہے ہیں؟
09 دسمبر ، 2022
بالی وڈ کے بھائی جان سلمان خان جو ماضی میں اپنی گرل فرینڈز کی وجہ سے ہمیشہ سرخیوں میں رہے اب ایک بار پھر ان کا نام ساتھی اداکارہ کے ساتھ جوڑا جا رہا ہے۔
بھارتی میڈیا کا دعویٰ ہے کہ سپر اسٹار سلمان خان اپنی آنے والی فلم کسی کا بھائی کسی کی جان میں کام کرنے والی اداکارہ پوجا ہیگڈے کو ڈیٹ کر رہے ہیں۔
اس بات کا انکشاف بالی وڈ انڈسٹری پر گہری نظر رکھنے والے ٹوئٹر صارف عمیر سندھو نے اپنی ٹوئٹ میں کیا۔
انہوں نے ٹوئٹ میں لکھا کہ ' تازہ خبر، بالی وڈ میں ایک نئی جوڑی کا اضافہ، سلمان خان پوجا ہیگڈے کو ڈیٹ کررہے ہیں'، سلمان کے پروڈکشن ہاؤس نے اداکارہ کو 2 فلموں میں بھی سائن کرلیا ہے'۔
ٹوئٹ میں مزید کہا گیا کہ سلمان کے قریبی ذرائع کے مطابق ان دنوں بھائی جان اور پوجا کافی وقت ساتھ گزار رہے ہیں۔
رپورٹس کے مطابق پوجا سلمان خان سے 24 سال چھوٹی ہیں۔
واضح رہے کہ ماضی میں سلمان خان ایشوریا رائے، کترینہ کیف سمیت کئی اداکاراؤں کو بھی مبینہ طور پر ڈیٹ کرچکے ہیں لیکن ان کی شادی اب تک نہ ہوسکی۔
دوسری جانب سوشل میڈیا صارفین نے اس خبر کو محض افواہ قرار دیا۔
