19 دسمبر ، 2022 
تصاویر: اپنے ہی خون سے پینٹنگز بنانیوالا فنکار
19 دسمبر ، 2022
آپ نے یقیناً کافی لوگوں کو مختلف چیزوں سے مصوری کرتے دیکھا ہوگا لیکن کیا کبھی کسی فنکار کو خود کو تکلیف دے کر پینٹنگز بناتے دیکھا ہے؟
فلپائن سے تعلق رکھنے والے 52 سالہ الیٹوسرکا وہ فنکار ہیں جن کا دعویٰ ہےکہ وہ اپنی نسوں میں سے خون نکال کر اس میں برش ڈبو کر اپنے اسٹوڈیو کے کینوس پر شاہکار بناتے ہیں۔
جہاں الیٹو کو شاندار مصوری کرنے پر داد ملتی ہے ، وہیں انہیں اس طرح اپنی جان پر کھیل کر یوں خون سے پینٹنگز بنانے پر تنقید کا سامنے بھی کرنا پڑتا ہے، الیٹو کی تصاویر سوشل میڈیا کی زینت بنیں تو لوگوں نے مصوری کے لیے منتخب کیے جانے والے میڈیم پر حیرانی کا اظہار کیا۔
غیر ملکی میڈیا رپورٹس کے مطابق الیٹو سرکا تعلق غریب خاندان سے ہے، بچپن میں انہیں اسکول جانے اور شوق پورا کرنے کے لیے پینٹنگ کا سامان خریدنے میں پیسوں کی کمی کا سامنا کرنا پڑتا تھا۔
چھوٹی عمر میں وہ ٹماٹر کے رس اور دیگر پھلوں کے جوس کو پینٹنگ کرنے کے لیے استعمال کرتے تھے، بعدازاں جوانی میں انہیں اپنے ہی خون سے پینٹنگ کرنے کا خیال آیا اور وہ اب تک یہ ہی کررہے ہیں۔
رپورٹس کے مطابق وہ ہر تین ماہ بعد بلڈ بینک جاکر 500 ملی لیٹر خون نکلواتے ہیں جسے وہ فریج میں محفوظ کرلیتے ہیں۔
اس حوالے سے مصور کا کہنا ہے کہ میرا مصوری کا کام بہت ہی اہم ہے کیونکہ اس نے مجھ سے جنم لیا ہے، یہ میرے ڈی این اے میں شامل ہے۔
الیٹو نے بتایا کہ 2023 میں وہ خون سے بنائی جانے والی دنیا کی سب سے بڑی پینٹنگ پر کام کریں گے جس کا کینوس 100 میٹر وسیع ہوگا۔
مزید خبریں :
دنیا کی قدیم ترین حروف تہجی پر مبنی تحریریں دریافت
24 نومبر ، 2024
لندن میں مریخ کا خوبصورت نظارہ، دیکھنے والے حیران رہ گئے
24 نومبر ، 2024
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
