23 دسمبر ، 2022 
شادی کیلئے لڑکیاں نہ ملنے پر 50 کنواروں کا انوکھا احتجاج
23 دسمبر ، 2022
بھارت میں ایک حیرت انگیز واقعہ پیش آیا جہاں شادی کے لیے لڑکیاں نہ ملنے پر 50 کنواروں نے انوکھا احتجاج کیا۔
بھارتی میڈیا رپورٹس کے مطابق ریاست مہاراشٹرا کے شہر سولاپور میں 50 کنوارے مرد شادی کے لیے لڑکیاں نہ ملنے پر دلہے کی طرح تیار ہوکر گھوڑوں پر بیٹھ کر بینڈ باجوں کے ساتھ کلکٹر آفس احتجاج کرنے پہنچ گئے۔
سوشل میڈیا پر وائرل ہونے والی ویڈیوز میں دیکھا جاسکتا ہے کہ کنوارے مرد سر پر سہرہ سجائے بینڈ باجوں کے ساتھ گھوڑوں پر سوار ہوکر جلوس کی شکل میں پریڈ کرتے ہوئے کلکٹر آفس کے باہر پہنچے اور شادی نہ ہونے پر احتجاج کیا۔
بھارتی میڈیا رپورٹس کے مطابق مظاہرین نے مطالبہ کیا کہ ان کے لیے لڑکیاں ڈھونڈی جائیں تاکہ وہ بھی شادی کا لڈو کھائیں۔
مظاہرین کا دعویٰ ہے کہ شادی کے لیے لڑکیاں نہ ملنے کی اصل وجہ ریاست میں مردوں و خواتین کے تناسب میں فرق ہے۔
بھارتی میڈیا سے بات کرتے ہوئے مظاہرین میں سے ایک شخص نے شادی نہ ہونے کی وجہ سے اپنے ذہنی تناؤ کے بارےمیں بتایا، اس نے کہا کہ میں الیکٹریکل انجینیئر کی ملازمت سے ہاتھ دھو بیٹھا کیونکہ میں شادی کے حوالے سے پریشان تھا۔
مزید خبریں :
دنیا کی قدیم ترین حروف تہجی پر مبنی تحریریں دریافت
8 گھنٹے پہلے
لندن میں مریخ کا خوبصورت نظارہ، دیکھنے والے حیران رہ گئے
11 گھنٹے پہلے
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
