24 دسمبر ، 2022 
امریکا میں موسم سرما کا بڑا طوفان، لاکھوں افراد بجلی سے محروم، سیکڑوں پروازیں معطل
24 دسمبر ، 2022
امریکا میں موسم سرما کے بڑے طوفان کے باعث بیشتر ریاستوں اور ملک کی آدھی سے زیادہ آبادی کو شدید برف باری اور یخ بستہ ہواؤں کا سامنا ہےجبکہ 10 لاکھ سے زیادہ افراد بجلی سے محروم ہو گئے اور سیکڑوں پروازیں معطل کر دی گئی ہیں۔
امریکی میڈیا کے مطابق شدید موسم اور برفباری کے دوران متعدد ہلاکتوں کی اطلاعات ہیں جبکہ جارجیا، نارتھ کیرولائنا اور کینٹکی میں ہنگامی صورتحال نافذ کر دی گئی ہے۔
شدید سردی اور برفباری کے باعث امریکا بھر میں کرسمس کی چھٹیوں کے دوران سفر کرنے والے لاکھوں افراد مشکلات کا شکار ہوگئے ہیں، دو روز کے دوران ساڑھے 4 ہزار پروازیں اور مڈ ویسٹ میں سیکڑوں ٹرینیں منسوخ کر دی گئی ہیں۔
پروازوں اور ٹرینوں کی منسوخی کی وجہ سے افراتفری پھیل رہی ہے، 12 سو پروازیں صرف شکاگو کے دو ائیرپورٹس پر منسوخ کی گئیں ہیں۔
امریکی صدر جو بائیڈن نے موسم کی سنگینی سے خبردار کرتے ہوئے عوام سے کہا ہے کہ وہ مقامی حکام کی وارننگ پر عمل کریں۔
امریکا کے علاوہ کینیڈا کے مشرقی حصے کو بھی شدید سردی اور برف باری کا سامنا ہے، ٹورنٹو میں بھی متعدد پروازیں منسوخی یا تاخیر کا شکار ہیں۔
مزید خبریں :
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
