29 دسمبر ، 2022 
بھارت: گرل فرینڈ اور مجھے کیوں ڈانٹا؟ وارڈ بوائے کا خاتون ڈاکٹر پر قاتلانہ حملہ
29 دسمبر ، 2022
بھارت کے نجی اسپتال میں وارڈ بوائے نے اسے اور اس کی گرل فرینڈ کو ڈانٹنے والی ڈاکٹر پر قینچی سے قاتلانہ حملہ کردیا جس کے نتیجے میں ڈاکٹر شدید زخمی ہوگئی۔
یہ واقعہ بھارتی ریاست مہاراشٹرا کے نجی اسپتال میں پیش آیا جہاں وارڈ بوائے نے قینچی کے وار سےخاتون ڈاکٹر کو بری طرح زخمی کردیا۔
واقعے کی تفصیلات بتاتے ہوئے بھارتی پولیس نے کہا کہ وارڈ بوائے نے خاتون ڈاکٹر کو اس وقت تشدد کا نشانہ بنایا جب خاتون ڈاکٹر نے وارڈ بوائے اور اس کی گرل فرینڈ کو ڈانٹ پلائی۔
پولیس کے مطابق وارڈ بوائے نے آپریشن میں استعمال ہونے والی قینچی سے خاتون ڈاکٹر کے گردن اور پیٹ پر حملہ کیا جس سے وہ شدید زخمی ہوئیں۔
میڈیا رپورٹس کے مطابق پولیس نے اقدام قتل کا مقدمہ درج کرکے وارڈ بوائے کو گرفتار کرلیا۔
