01 جنوری ، 2023 
پاکستان جیسی ٹیم کیخلاف بھرپور پلاننگ کے ساتھ کھیلنا ضروری ہے:کین ولیمسن
01 جنوری ، 2023
نیوزی لینڈ کےکرکٹر کین ولیمسن کا کہنا ہےکہ پاکستان کے پاس فاسٹ بولنگ کا ٹیلنٹ بہت ہے، جب سے کرکٹ کھیل رہا ہوں، پاکستان سے حیران کن ٹیلنٹ آتا دیکھا ہے، پاکستان جیسی ٹیم کے خلاف بھرپور پلاننگ کے ساتھ کھیلنا ضروری ہے۔
کراچی میں جیو نیوز سےگفتگو کرتے ہوئے نیوزی لینڈ کےکرکٹرکین ولیمسن کا کہنا تھا کہ پاکستان کا اگر اہم کھلاڑی ان فٹ بھی ہوں تو پاکستان ٹیم کمزور نہیں ہوتی۔
کین ولیمسن کا کہنا تھا کہ پاکستان میں ٹیسٹ کرکٹ کھیل کرکافی اچھا لگا، پچھلا میچ بہت زبردست ہوا، ہم نتیجہ حاصل کرسکتے تھے، دوسرے ٹیسٹ کے لیےکنڈیشنز کے مطابق پلاننگ کریں گے، پاکستان کے پاس فاسٹ بولنگ کا ٹیلنٹ بہت ہے، جب سے کرکٹ کھیل رہا ہوں، پاکستان سے حیران کن ٹیلنٹ آتا دیکھا ہے۔
ان کا کہنا تھا کہ کوئی بھی ٹیم ہو، میری کوشش ہوتی ہےکہ بڑا اسکور کرنے کی کوشش کروں، ہرجگہ مختلف کنڈیشن کا ملنا ٹیسٹ کرکٹ کو چیلنجنگ بناتا ہے، انگلینڈ نے حال ہی میں پاکستان میں زبردست کرکٹ کھیلی، ہر ٹیم اپنی اسٹرینتھ کے حساب سے حکمت عملی اپناتی ہے۔
سابق کیوی کپتان کا کہنا تھا کہ آج کل کی بڑھتی ہوئی کرکٹ میں تینوں فارمیٹ کے لیے تیار رہنا چیلنج ہے، ورک لوڈ منیجمنٹ آج کل کی کرکٹ میں کافی ضروری ہوچکا ہے۔
مزید خبریں :
جیو نیوز پوڈکاسٹ: کون ہے ہمارا پہلا مہمان؟
28 نومبر ، 2024
