01 جنوری ، 2023 
کھلاڑیوں کے دلوں سے خوف نکالنا چاہتے ہیں: شاہد آفریدی
01 جنوری ، 2023
کراچی: پاکستان کرکٹ بورڈ(پی سی بی) کی عبوری سلیکشن کمیٹی کے سربراہ شاہد آفریدی کا کہنا ہےکہ پاکستان کو ٹاپ ٹیم بنانےکے لیے اچھی پچز ضروری ہیں،کھلاڑیوں کے دلوں سے خوف نکالنا چاہتے ہیں۔
کراچی میں عبوری سلیکشن کمیٹی نے ٹیم کے کپتان بابراعظم اور کوچ ثقلین مشتاق سے ملاقات کی جس میں سلیکشن کے امور پر تبادلہ خیال کیا گیا۔
ملاقات کے بعد جیو نیوز سےگفتگو میں شاہد آفریدی کا کہنا تھا کہ ہیڈ کوچ اورکپتان کے ساتھ کافی اچھی میٹنگ رہی، تگڑی کرکٹ ، اچھی پچز اور مثبت حکمت عملی پر بات کی گئی۔
شاہد آفریدی کا کہنا تھا کہ پاکستان کرکٹ کی بہتری کے لیے مل کرکام کریں گے، باہر تگڑی کرکٹ کھیلنےکے لیے یہاں تیاری کرنا ہوگی، پچز اچھی ہوں گی، کوئی بڑا فرق نہیں ہوگا۔
سابق کپتان کا کہنا تھا کہ سلیکشن کے معاملے پرکافی مثبت تبادلہ خیال ہوا ہے، سلیکشن کمیٹی اور منیجمنٹ تقریباً ایک پیچ پر ہی ہیں، سب کے ساتھ رابطہ کافی اہم چیز ہے۔
مزید خبریں :
پرتھ ٹیسٹ میں بھارت نے آسٹریلیا کو 295 رنز سے شکست دیدی
11 گھنٹے پہلے
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
