02 جنوری ، 2023 
شوہر کو شادی کیلئے لڑکیاں دکھاتے دکھاتے انہیں میں پسند آگئی: صحیفہ جبار
02 جنوری ، 2023
پاکستانی اداکارہ صحیفہ جبار نے اپنی شادی سے متعلق دلچسپ انکشاف کیا ہے کہ شوہر کو لڑکیاں دکھاتے دکھاتے انہیں وہ خود پسند آگئیں۔
اداکارہ جیو نیوز کے پروگرام ’ہنسنا منع ہے‘ کی مہمان بنیں جس دوران انہوں نے اپنی شادی کا دلچسپ قصہ بھی سنایا ۔
دوران شو اداکارہ نے بتایا کہ میں شروع سے ہی’ ٹام بوائے ‘قسم کی لڑکی تھی اسی لیے خواجہ خضر حسین نے مجھے اپنے لیے لڑکی دیکھنے کا کہا تھا، میں نے ان کیلئے بہت کوشش بھی کی اور کئی لڑکیاں بھی دکھائیں لیکن اتفاق سے ساری انگیجڈ تھیں۔
اداکارہ نے کہا کہ شوہر کو شادی کے لیے لڑکیاں دکھاتے دکھاتے اِنہیں میں پسند آگئی، بس پھر لڑکیاں پسند کرنے کا سلسلہ ختم ہوا اور میں خود دلہن بن گئی۔
واضح رہے کہ ماڈل صحیفہ جبار نے 2017 میں اپنے قریبی دوست خواجہ خضر حسین سے لاہور میں شادی کی تھی۔
