02 جنوری ، 2023 
کھیل
فوٹو: فائل
شاہین کی ڈیڑھ ماہ بعد بولنگ پریکٹس، حارث کا بھی فٹنس ٹیسٹ لینے کا فیصلہ
02 جنوری ، 2023
فاسٹ بولر شاہین آفریدی نے قومی ٹیم کے میڈیکل اسٹاف کی نگرانی میں ری ہیب کا آغاز کر دیا جب کہ فاسٹ بولر حارث رؤف کا نیوزی لینڈ کے خلاف ون ڈے سیریز کے لیے فٹنس کا جائزہ لینے کا فیصلہ کیا گیا ہے۔
قومی سلیکشن کمیٹی نے حارث روف کو فٹنس ٹیسٹ کیلئے طلب کرلیاوہ سیریز کے اعلان کردہ ممکنہ کھلاڑیوں میں شامل ہیں، پی سی بی کا میڈیکل پینل فاسٹ بولر کا فٹنس ٹیسٹ لے گا۔
اس وقت دونوں کرکٹرز کراچی میں موجود ہیں جہاں شاہین شاہ آفریدی نیشنل بینک ارینا میں کھانے کے وقفے پر فزیکل ٹریننگ کرتے دکھائی دیے۔
شاہین آفریدی نے پاکستان اور نیوزی لینڈ کے دوسرے ٹیسٹ میں کھانے کے وقفے کے دوران تقریباً ڈیڑھ ماہ بعد بولنگ کی جس دوران انہوں نے 15 سے 17 گیندیں کرائیں۔
