اسٹارفٹبالر رونالڈو سعودی کلب سے معاہدے کیلئے ریاض پہنچ گئے

اسٹارفٹبالر کرسٹیانو رونالڈو سعودی کلب النصر کے ساتھ معاہدے کیلئے ریاض پہنچ گئے۔

رونالڈو اپنی فیملی کے ہمراہ پرائیوٹ جیٹ میں سعودی دارالحکومت پہنچے جہاں ان کا پرتپاک استقبال کیا گیا۔

رونالڈو کے استقبال کیلئے شہر میں بڑے بڑے خیر مقدمی بینرز آویزاں کیے گئے ہیں۔

رونالڈو آج سعودی کلب کے ساتھ معاہدے پر دستخط کریں گے اور یہ تقریب فٹبال اسٹیڈیم میں مقامی وقت کے مطابق شام 7 بجے ہوگی۔

رپورٹس کے مطابق رونالڈو اور سعودی کلب کے درمیان ڈھائی سالہ معاہدہ طے پایا ہے جس کے تحت النصر کلب انہیں 21 کروڑ  30 لاکھ ڈالرز معاوضہ ادا کرے گا۔