04 جنوری ، 2023 
’ایسے لوگ مجھےخودکشی پر مجبور کرتے ہیں‘، عرفی جاوید پولیس کمپلین پر برہم
04 جنوری ، 2023
بی جے پی رہنما چترا واگھ نے بھارتی اداکارہ عرفی جاوید کے خلاف پولیس میں شکایت درج کرواتے ہوئے ان کی گرفتاری کا مطالبہ کیا ہے جس کے ردعمل کے طور پر عرفی نے ناقدین کو خودکشی کی دھمکی دے ڈالی۔
بھارتی میڈیا کے مطابق بی جے پی کی رہنما چترا واگھ نے ممبئی کی سڑکوں پر بے حیائی پھیلانے پر پولیس کو عرفی کیخلاف شکایت درج کرنے اور گرفتار کرنے کا کہا تھا۔
اپنے خلاف درج شکایت میں عرفی جاوید نے سوشل میڈیا پر ردعمل کا اظہار کرتے ہوئے لکھا کہ 'یہ وہی خاتون ہے جب یہ این سی پی میں تھیں تو انہوں نے سنجے راٹھوڈ کی گرفتاری کیلئے شور مچایا تھا اور پھر ان کا شوہر رشوت لیتے پکڑا گیا، اپنے شوہر کو بچانے کیلئے انہوں نے بی جے پی میں شمولیت اختیار کرلی اور اس کے بعد سنجے اور وہ کافی اچھے دوست ہوگئے۔'
عرفی نے اپنی سٹوری میں مزید لکھا کہ 'میں بھی بس بی جے پی میں شمولیت اختیار کرنے والی ہوں اور پھر ہم بھی اچھے دوست بن جائیں گے۔'
بھارتی میڈیا کے مطابق ایک اور پوسٹ میں اداکارہ کی جانب سے لکھا گیا کہ 'وہ جانتی ہیں کہ سیاست دانوں کیخلاف بولنا خطرے سے کم نہیں لیکن اس طرح کی شکایات مجھے خودکشی کرنے پر مجبور کرتی ہیں۔'
انہوں نے مزید لکھا کہ 'یا تو میں خود کو مار لوں یا ان کے ہاتھوں ماری جاؤ لیکن یہ میں نے شروع نہیں کیا اور نہ ہی میں نے کبھی کسی کے ساتھ غلط کیا۔'
مزید خبریں :
سوناکشی کو کس اداکار نے بڑی عمر کا کہہ کر فلم سے نکلوایا تھا؟
20 دسمبر ، 2024
