05 جنوری ، 2023 
پاکستان
نامعلوم ملزمان نے انسداد پولیو ٹیم کی حفاظت پر مامور پولیس وین پر موسیٰ زئی قریب فائرنگ کی اور دستی بم پھینکے: پولیس۔ اسکرین گریب
فوٹو جیو نیوز
ڈی آئی خان: پولیو ٹیم کی حفاظت پر مامور پولیس وین پر دستی بم سے حملہ، 3 اہلکار زخمی
05 جنوری ، 2023
ڈیرہ اسماعیل خان میں انسداد پولیو ٹیم کی سکیورٹی پر مامور پولیس وین پر نامعلوم افراد نے دستی بم سے حملہ کیا جس میں 3 اہلکار زخمی ہو گئے۔
پولیس کے مطابق نامعلوم ملزمان نے انسداد پولیو ٹیم کی حفاظت پر مامور پولیس وین پر موسیٰ زئی قریب فائرنگ کی اور دستی بم پھینکے۔
پولیس کے مطابق دہشتگردوں کے حملے میں 3 اہلکار زخمی ہوئے، کوئیک رسپانس فورس فوری طور پر موقع پر پہنچی جس کے بعد سکیورٹی فورسز اور ملزمان کے درمیان فائرنگ کا تبادلہ ہوا۔
پولیس حکام کا کہنا ہے کہ حملے میں زخمی پولیس اہلکاروں کو اسپتال منتقل کر دیا گیا ہے۔
پولیس کے مطابق حملہ آور جنگل کی طرف فرار ہو گئے ہیں جن کا تعاقب کیا جا رہا ہے۔
