06 جنوری ، 2023 
شاداب خان کی بھی سرفراز احمد کو ’کپتان‘ کہہ کر تعریفی ٹوئٹ
06 جنوری ، 2023
پاکستان اور نیوزی لینڈ کے درمیان کراچی میں ہونے والے دوسرے ٹیسٹ میچ کی دوسری اننگز میں وکٹ کیپر بیٹر سرفراز احمد نے شاندار سنچری اسکور کی تاہم وہ میچ فنش نہ کرسکے اور ٹیسٹ ڈرا ہوگیا۔
سرفراز کی سنچری پر فاسٹ بولر محمد عامر، حسن علی اور اب آل راؤنڈر شاداب خان نے بھی تعریفی پیغام بھیجا۔ اپنی ٹوئٹ میں حسن علی نے سرفراز احمد کو مبارکباد دی۔
حسن علی نے سرفراز احمد کو ٹیگ کرکے لکھا ’دی فائٹر میرا کپتان۔‘
اب شاداب خان نے بھی سرفراز احمد کے حوالے سے تعریفی ٹوئٹ کی ہے جس میں انہوں نے لکھا کہ ’ڈرا ہوگیا لیکن یہ بہترین ٹیسٹ میچ تھا، نیوزی لینڈ نے اچھا کھیلا اور پاکستان نے اچھی فائٹ کی۔‘
شاداب خان نے کہا کہ ’میں یہ بیان نہیں کر سکتا کہ سیفی بھائی ہماری نسل کیلئے کتنی اہمیت رکھتے ہیں، ہم سب نے ان سے قائدانہ صلاحیت، ٹیم اسپرٹ اور فائٹنگ اسپرٹ سیکھی ہے۔‘
آخر میں شاداب خان نے سرفراز احمد کیلئے نیک تمناؤں کا اظہار کرتے ہوئے لکھا ’ ہمارے کپتان آپ کو زندگی میں بہترین لمحات میسر آئیں۔‘
خیال رہے کہ سرفراز احمد موجودہ ٹیسٹ ٹیم کے کپتان نہیں ہیں، کپتانی بابر اعظم کے پاس ہے البتہ وہ پاکستان کرکٹ ٹیم کے سابق کپتان رہ چکے ہیں۔ ان کی کپتانی میں ہی پاکستان نے 2017 میں چیمپئنز ٹرافی جیتی تھی۔ شاداب خان اور حسن علی بھی اس ٹیم کا حصہ تھے۔ ممکن ہے حسن علی اور شاداب نے اسی مناسبت سے سرفراز احمد کو ’کپتان‘ کہہ کر مخاطب کیا۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
