دلچسپ و عجیب

’ہوشربا بڑھتی مہنگائی اور مصروفیات‘ وقت اور پیسے کیسے بچائیں؟

08 جنوری ، 2023

بڑھتی مہنگائی اور روز مرہ کے اخراجات میں جہاں پیسوں کو بچانا بہت مشکل کام ہے وہیں مصروف زندگی میں وقت کی بچت بھی ناممکن لگتا ہے لیکن آج ہم آپ کی اس مشکل کو دور کرتے ہیں اور آپ کو کچھ ایسے طریقے بتاتے ہیں جن سے آپ کا وقت اور پیسے دونوں بچ سکتے ہیں۔

بجلی کا استعمال:

گھر میں غیر ضروری برقی آلات کا استعمال کم کیا جائے اور اپنے کمرے سے نکلتے وقت لائٹ اور پنکھوں کو بند کردیں اس سے آپ کے بجلی کے بھاری بھرکم بل میں کمی آئے گی۔

کافی:

کافی پینا لوگوں کو پسند ہوتا ہے جس کیلئے وہ کافی شاپ پر اپنے پیسے اور وقت دونوں کو خرچ کرتے ہیں لیکن کافی کے کم استعمال سے اور گھر میں کافی بنا کر آپ پیسے اور وقت دونوں کو بچا سکتے ہیں۔

کپڑوں کی خریداری:

بڑی تعداد میں لوگ اپنی تنخواہ کپڑوں کی خریداری میں لگاتے ہیں، بہتر سے بہترین کی تلاش میں مارکیٹوں کے چکر لگائے جاتے ہیں جس میں وقت اور پیسے دونوں ضائع ہوتے ہیں، ضرروت کے مطابق شاپنگ سے تنخواہ کا کچھ حصہ بچ سکتا ہے۔

کیش کا استعمال:

اگر آپ نے شاپنگ کرنی ہے تو کیش سے ہی کیجیے کیونکہ کریڈٹ کارڈ کے استعمال سے شاپنگ زیادہ کی جاتی ہے جس کے باعث بجٹ آؤٹ ہوجاتا ہے۔

کاموں کی لسٹ:

مثال کے طور پر گھر کا راشن خریدنے جانا ہے تو پہلے لسٹ تیار کی جائے جن میں ضرروی اشیا کو شامل کیا جائے اس سے آپ کا وقت اور پیسے دونوں کی بچت ہوگی اور غیر ضروری اشیا کی خریداری بھی نہیں ہوگی۔