16 جنوری ، 2023 
بھارت میں طالبان نہیں، اسلام قبول کرنے میں کوئی مشکل پیش نہیں آئی: راکھی ساونت
16 جنوری ، 2023
معروف بالی وڈ رقاصہ اور ماڈل راکھی ساونت کا کہنا ہے انھیں بھارت میں اسلام قبول کرنے کے حوالے سے کوئی مشکل پیش نہیں آئی۔
حال ہی میں راکھی نے عادل خان سے شادی کی تصاویر اور ویڈیوز سوشل میڈیا پر شیئر کرتے ہوئے مداحوں کو حیران کردیا تھا۔
تصاویر میں راکھی اور عادل خان کو پھولوں کی مالا جب کہ نکاح کی ویڈیو میں راکھی کو کلمہ پڑھ کر نکاح قبول کرتے دیکھا گیا، بعد ازاں پہلے انکار اور پھر اقرار کے بعد بالآخر اب عادل خان کی جانب سے راکھی سے شادی کی تصدیق کردی گئی ہے۔
راکھی اور عادل کے نکاح نامے پر اداکارہ کے نام کے ہمراہ 'فاطمہ' لکھا ہے جس کے بعد راکھی نے بھی اپنا نام تبدیل کرنے سے متعلق خبریں سوشل میڈیا پر شیئر کیں جس سے ان خبروں کی صداقت کا اندازہ لگایا جا سکتا ہے۔
دوسری جانب راکھی نے اب اسلام قبول کرنے کے حوالے سے بھارتی میڈیا سے گفتگو کی ہے جس دوران راکھی نے ’لو جہاد اینگل‘ پر بات کرنے سے انکار کر دیا لیکن ساتھ ہی یہ بھی کہا کہ یہ ہندوستان ہے یہاں کوئی طالبان نہیں، مجھے اسلام قبول کرنے میں کوئی مشکل پیش نہیں آئی کیوں کہ یہاں ہر چیز کی اجازت ہے۔
مزید خبریں :
کراچی: چوروں نے فخر عالم کے گھر کا صفایا کردیا،اداکار سخت مایوس
30 جنوری ، 2025
شوبز میں مجبوری کے تحت آئی: امبر خان
30 جنوری ، 2025
