20 جنوری ، 2023 
پاکستان ویمن فٹبالر ماریہ خان کے شاندار گول کی دھوم
20 جنوری ، 2023
پاکستان کی ویمن فٹبال ٹیم کی کپتان ماریہ خان کے سعودی فٹبال ٹیم کے خلاف شاندار گول کے چرچے ہر جگہ ہو رہے ہیں۔
گزشتہ روز پاکستان اور سعودی عرب کی فٹبال ٹیموں کے درمیان کھیلے گئے فٹبال میچ میں سعودی عرب کو ایک صفر کی سبقت حاصل تھی کہ اسی دوران کھیل کے آخری لمحات میں پاکستان کو ایک فری کک مل گئی۔
پاکستان ویمن فٹبال ٹیم کی کپتان ماریہ خان نے فری کک پر شاندار ہٹ لگائی جو سعودی ویمن فٹبال ٹیم کی گول کیپر ہاتھوں کو چھوتی ہوئی گول کے اندر چلی گئی اور اس طرح میچ ایک ایک گول سے برابر ہو گیا۔
گراؤنڈ میں موجود کمنٹیٹرز اور تماشائی بھی شاندار گول کرنے پر مائرہ خان کو داد دیے بغیر نہ رہ سکے اور قومی ویمن فٹبال ٹیم کی کپتان کو میچ کا بہترین کھلاڑی بھی قرار دیا گیا۔
