24 جنوری ، 2023 
ویڈیو: عائشہ نسیم کے آسٹریلیا میں شاندار چھکے، آسٹریلوی کرکٹر بھی معترف
24 جنوری ، 2023
آسٹریلیا میں کھیلے جانے والے پہلے ٹی ٹوئنٹی میں پاکستانی بیٹر عائشہ نسیم کی جانب سے لگائے گئے 2 شاندار چھکوں کے سوشل میڈیا پر خوب چرچے ہورہے ہیں۔
سڈنی میں کھیلے جانے والے ٹی ٹوئنٹی میں پاکستان فتح تو حاصل نہ کرسکا لیکن 18 سالہ عائشہ نسیم نے پاکستانی سوشل میڈیا صارفین سمیت آسٹریلوی ویمن ٹیم کی کھلاڑی کے بھی دل جیت لیے جس کے بعد عائشہ ٹوئٹر پر ٹاپ ٹرینڈ کررہی ہیں۔
عائشہ کے چھکوں کی ویڈیو کرکٹ آسٹریلیا نے ٹوئٹر پر شیئر کی جسے آسٹریلوی کرکٹر رکیل ہینس نے شیئر کیا اور عائشہ کو سنجیدہ ٹیلنٹ قرار دیا۔
رکیل ہینس نے مزید کہا امید ہے کہ ہم اس سیریز اور ٹی ٹوئنٹی ورلڈکپ میں عائشہ نسیم کی کارکردگی کو مزید اچھا دیکھیں گے۔
اس کے علاوہ پاکستان کی سابق کرکٹر اور کمنٹیٹر عروج ممتاز نے بھی عائشہ کی کارکردگی کو سراہا اور ان کے شاٹس کی تعریف کی۔
پاکستان سپر لیگ کی فرنچائز اسلام آباد یونائیٹڈ کے جی ایم ریحان الحق نے ٹوئٹر پر عائشہ کو ٹیلنٹڈ قرار دیا۔
کچھ دیگر تبصرے ملاحظہ کیجیے:
خیال رہے کہ آسٹریلین ویمنز کرکٹ ٹیم نے پاکستان ویمنز کو پہلے ٹی ٹوئنٹی میچ میں 8 وکٹ سے ہرا کر سیریز میں برتری حاصل کر لی۔
سڈنی میں کھیلے گئے میچ میں پاکستان ٹیم نے ٹاس جیت کر پہلے بیٹنگ کی اور مقررہ 20 اوورز میں 118 رنز بنائے، قومی کرکٹر نے 20 گیندوں پر 24 رنز اسکور کیے۔
آسٹریلین ویمنز ٹیم نے ہدف 14 ویں اوور میں 2 وکٹ پر حاصل کر لیا۔
دونوں ٹیموں کے درمیان دوسرا ٹی ٹوئنٹی جمعرات اور تیسرا اتوار کو شیڈول ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
