کراچی میں خواتین کیلئے پنک بس سروس آج سے شروع ہوگی
01 فروری ، 2023
حکومت سندھ کی جانب سے کراچی میں خواتین کیلئے پنک بس سروس آج سے شروع کی جائے گی۔
صوبائی وزیر ٹرانسپورٹ شرجیل میمن کا کہنا ہے کہ یہ بس ماڈل کالونی سے براستہ شاہراہ فیصل، ٹاور تک چلائی جائے گی۔
وزیر ٹرانسپورٹ کے مطابق پنک بس سروس صبح اور شام کو دفتری اوقات میں ہر 20 منٹ بعد چلے گی جبکہ دفتری اوقات کے بعد معمول کے اوقات میں یہ بس ہر گھنٹے بعد چلے گی۔
